Ish-deputetja e Kosovës sot intervistohet nga Gjykata Speciale

Ish-deputetja e Kuvendit të Kosovës, Time Kadrijaj, do të intervistohet gjatë ditës së sotme nga prokurorët e Dhomave të Specializuara të Gjykatës Speciale.

Ajo do të intervistohet në Prishtinë me fillim nga ora 11:00.

Ndërkohë deri më tani ajo kishte deklaruar se nga prokurorët e Gjykatës Speciale do të intervistohet në cilësinë e dëshmitares.

Nuk dihet ende se për çfarë raste bëhet fjalë për shkak se nuk janë dhënë informacione nga Gjykata Speciale.

Me datën 2 gusht, Kadrijaj përmes një postimi në facebook kishte njoftuar se është kontaktuar nga Gjykata Speciale.

Ajo në një postim në rrjetet sociale kishte shkruar se nuk është aspak e mërzitur, sepse lufta e UÇK-së ka qenë e pastër.