Interesim i madh për viza gjermane, 68 mijë sosh u lëshuan për dy vjet

Ky sistem i aplikimit për vizë në Ambasadë Gjermane do të jetë i hapur më shumë se dy javë ditë, nga 1 Dhjetori deri më 17 Dhjetor 2021.

Tash e tutje fituesit e terminëve për viza do të përzgjedhen me short, e kjo procedurë e tërheqjes tashmë do të mbikëqyret në Ministrinë e Jashtme Federale në Berlin.

Kapacitetet që ata i kanë dhe kërkesat e kosovarëve për t’u pajisur me vizë janë të kundërta, pasiqë kërkesat i tejkalojnë kapacitet e Ambasadës Gjermane në Prishtinë.

Ndërsa, në vitin 2019 kjo kryepërfaqësi diplomatike lëshoi më shumë se 50 mijë viza.

Vizat janë ndarë në dy kategori: viza për qëndrime afatshkurtëra (viza Schengen) dhe viza nacionale për qëndrime afatgjata ku hyjnë vizat e lëshuar për bashkim familjar, për studime dhe kategori të caktuara të vizave të punës për punëtorë me kualifikim të lartë.

Për të parën u dhanë rreth 36 mijë viza. Për të dytën, 15 mijë sosh.

Numri i vizave të lëshuara ra gati dyfish një vit më pas, më 2020.

Shkak u bë pandemia.

Ambasada Gjermane në Prishtinë i lëshoi vetëm 18 mijë për dy kategoritë.

“Këtu përfshihen 8.000 viza afatshkurtëra dhe 10.000 viza për qëndrime afatgjata. Shumica e këtyre vizave të lëshuara kanë qenë për qëllime të bashkimit familjar, meqë kjo kategori ka qenë e përjashtuar nga kufizimet e udhëtimit”, thuhet në përgjigjen e ambasadës gjermane dhënë.

Në uebfaqen e Ministrisë së Jashtme Federale të Gjermanisë nuk figurojnë akoma statistikat për vizat e lëshuara në vitin 2021.

Sociologu Bekim Selishta përmend disa faktorë që po i shtyejnë qytetarët e Kosovës të marrin rrugët e mërgimit.

“Pakënaqësitë që janë krijuar brenda vendit po e shkaktojnë këtë ikje. Jashtë Kosovës, në vendet e Evropës, qytetarët po gjejnë më shumë perspektivë. Pagat nuk janë stabile tek sektori privat. Nuk e kemi edhe sigurimin shëndetësor të punës. Atje jashtë po”, u shpreh Selishta.

Ekonomisti Mustafë Kadriaj, në anën tjetër, thotë se kjo ikje nuk është krejt pa pasoja për fuqinë punëtore të vendit.