I mituri kapet me marihuanë në oborrin e shkollës në Pejë, lirohet në procedurë të rregullt

Një rast i tillë shqetësues është regjistruar mbrëmjen e 18 qershorit në Pejë, ku një i mitur është kapur me marihuanë në hapësirat e një shkolle.

Burime të Gazetës Sinjali bëjnë me dije se bëhet fjalë për V.P., i lindur në vitin 2008. Ai është hasur nga patrulla policore në oborrin e shkollës “Ramiz Sadiku”, në rrugën “Esat Mekuli”, gjatë zbatimit të një plani operativ.

Gjatë kontrollit fizik, në xhepin e pantallonave të të miturit janë gjetur dy qese të vogla najloni, të cilat dyshohet se përmbanin substancë narkotike të llojit marihuanë.

Pas ndalimit, i dyshuari është arrestuar dhe shoqëruar në stacionin policor, ku është intervistuar nga hetuesit në prani të përfaqësuesve ligjorë, duke respektuar procedurat për të mitur.