Hoti: Nëse rritet numri i të infektuarve me COVID-19, pas 2-3 javësh detyrohemi të marrim masa më ekstreme

Kryeministri i Kosovës, Avdullah Hoti në një konferencë për media ka thënë se nëse vazhdon të rritet numri i rasteve me COVID-19 edhe pas dy-tri javësh, shteti detyrohet të merr masa ekstreme.

Hoti ka thënë se rreziku është real dhe pas dy ose tri javëve ne do ta kemi të njëjtën gjendje si shumica e vendeve të BE-së.

“Rreziku është real që ne për dy deri në tri javë të kemi të njëjtën gjendje që po kalojnë shumica e vendeve të VBE-së. Në regjion kemi filluar të rrethohemi prej vendeve me numër shumë të lartë të të prekurve, te ne sapo ka filluar të rritet numri. Rreziku është real që pas dy tri javëve nëse shkon me këtë trend ne do të detyrohemi të marrim masa më ekstreme”, tha Hoti.

Ai shtoi se me respektimin strikt të masave ne mund ta mirëmbajmë këtë gjendje.

“Nuk dëshirojmë që ti shqetësojmë bizneset, e as qytetarët që t’i ndalojmë në rrugë ti gjobitim, ti mbyllim bizneset, tu shkojmë njerëzve në ndeja e ahengje private, por është në interes të tyre që t’i respektojmë këto masa”, tha Hoti.