“Hidroregjioni Jugor” me njoftim lidhur me përdorimin, shfrytëzimin e paautorizuar të ujit
Kompania Rajonale e Ujësjellësit “Hidroregjioni Jugor” SH.A, përmes një njoftimi dërguar mediave, ka njoftuar se për të gjitha lidhjet e pa autorizuara që do të evidentohen nga ekipet e inspektimit do të faturohen. “Hidroregjioni Jugor” ka shpërndarë një rregullore, ku thuhet se bazuar në regulloren Nr.14/2022 për Ndryshimin dhe Plotesimin e Rregullores Nr.06/2016 për Ndërprerje […]
Kompania Rajonale e Ujësjellësit “Hidroregjioni Jugor” SH.A, përmes një njoftimi dërguar mediave, ka njoftuar se për të gjitha lidhjet e pa autorizuara që do të evidentohen nga ekipet e inspektimit do të faturohen.
“Hidroregjioni Jugor” ka shpërndarë një rregullore, ku thuhet se bazuar në regulloren Nr.14/2022 për Ndryshimin dhe Plotesimin e Rregullores Nr.06/2016 për Ndërprerje nga Shërbimet e Ujit në Kosovë, e cila Rregullore ka të bëjë me Ndërprerjen nga Shërbimet e Ujit në Kosovë dhe përcaktimin e dëmit të shkaktuar nga lidhjet e paautorizuara, si dhe rikthimin e humbjeve të shkaktuara nga shfrytëzuesit e shërbimeve të ujit, pa lejen ose autorizimin e ofruesit të shërbimeve. Për te gjitha lidhjet e pa autorizuara që do të evidentohen nga ekipet e inspektimit, do të faturohen sipas shtojcës në vijim.
Tek shtojca 1 thuhet se përllogaritja e mesatares mujore dhe vjetore e sasisë së konsumit të ujit në m3, për të gjithë shfrytëzuesit e ujit në mënyrë të paautorizuar që ju përkasin kategorive të konsumatorëve të cekura në nein 18/A paragrafin 2 të kësaj rregullore, është bërë në bazë të 630 mostrave të marra për konsumatorët e kategorive përkatëse, në shtatë (7) zonat e Kosovës, ku ofrojnë shërbime rajonale të ujësjellësit.
- Tabela për paraqitjen e shfrytëzuesve të ujit në mënyrë të paautorizuar që ju përkasin kategorive përkatëse të konsumatorëve.
Kategoria e konsumatorit | Mesatarja e konsumit mujor në m3 | Mesatarja e konsumit vjetor në m3 | |
2.1 | Konsumatorët institucional | 762 | 9,141 |
2.2 | Konsumatorët komercial me biznese të mëdha (industrial) | 1,065 | 12,780 |
2.3 | Konsumatorët komercial me biznese të mesme | 173 | 2,077 |
2.4 | Konsumatorët komercial me biznese të vogla | 18 | 214 |
2.5 | Konsumatorët shtëpiak të zonave urbane | 28 | 335 |
2.6 | Konsumatorët shtëpiak të zonave rurale gjysmë-rurale | 29 | 343 |
2.7 | Konsumatorët shtëpiak në apartamente (banim kolektiv) | 19 | 230 |