Heqja e akcizës për naftën, Kurti tregon se a mund të ndodhë kjo

E një gjë e tillë ka ngjallur pakënaqësi e reagime të shumta nga qytetarët e vendit e opozita, ku kanë kërkuar edhe heqjen e akcizës së naftës.

Por, një gjë e tillë për heqjen e akcizës për derivatet e naftës nuk mund të bëhet.

Kryeministri i Republikës së Kosovës, Albin Kurti ka theksuar se heqjen e akcizës e konsideron si politikë të padobishme.

Ai tha se kjo nuk nidhmon tek ata që kanë më së shumti nevojë, duke marrë shembull shtetin e Gjermanisë për heqjen e tatimit në naftë, ku Kurti shtoi se kjo nuk i ndihmon qytetarët, por mund ta rrisë fitimin e tregtarëve.

“Ajo nuk ju ndihmon atyre që kanë më së shumti nevojë. Shembulli i Gjermanisë për heqjen e tatimit të naftë nuk i ndihmon qytetarët. Ajo mund ta rrisë fitimin e tregtarëve”, është shprehur Kurti.

Kryeministri Kurti ka shtuar se dëshirojnë që me politika sociale t’i ndihmojnë qytetarët e jo duke bërë hamendësime që shndërrohen në profite për tregtarët e derivateve të naftës.

“Dëshirojmë që me politika sociale t’i ndihmojmë qytetarët dhe jo duke bërë hamendësime që shndërrohen në superprofit për tregtarët”.

Ai ka bërë të ditur se hyrjen e naftës në vend nga dogana e përcjellin çdo ditë, e të njëjtën kohë i përcjellin edhe çmimet brenda.

“Këto ditë dhe po përpilojmë një udhëzim administrativ lidhur me çmimet e naftës.

Mund të jetë shumë shpejt por kurrsesi s’është larg. Synimi ynë është që të mbrojmë konsumatorët, njëkohësisht të kujdesemi që tregu të mos deformohet dhe të ketë konkurrencë të barabartë”.