Haxhiu: Kosova hoqi dorë nga pavarësia, marrëveshja në kundërshtim me Kushtetutën

Pas nënshkrimi të marrëveshjes ekonomike mes Kosovës e Serbisë, e cila u bë në Shtëpinë e Bardhë me pjesëmarrje edhe të presidentit të SHBA-së, Donald Trump, kanë reaguar edhe nga Lëvizja Vetëvendosje.

Ish-ministrja e Drejtësisë, Albulena Haxhiu e cila vjen nga kjo parti ka thënë se kryeministri i Kosovës, Avdullah Hoti dhe delegacioni i tij, të cilin ajo e quan të paligjshëm, i kanë sjellë Kosovës edhe një dëm.

Ajo ka shkruar se ky delegacion ka hequr dorë nga pavarësia e Kosovës dhe kanë sjellur marrëveshje të dëmshme për vendin dhe në kundërshtim me Kushtetutën.

Postimi i plotë:

Hoti dhe delegacioni i tij i paligjshëm ia sollën Kosovës dëmet e radhës!

E quajtën “Marrëveshje historike për njohje” ndërsa hoqën dorë nga pavarësia e Kosovës e na sollën marrëveshje të dëmshme dhe në kundërshtim me Kushtetutën.

Ujmanin e ndanë me Serbinë, hoqën dorë nga anëtarësimi i Kosovës në Organizata ndërkombëtare, pranuan anëtarësimin në Mini-shengenin ballkanik e dalje Serbisë në Detin Adriatik.

Marrëveshjet e dëmshme nuk mund të jetësohen! 

© SuharekaOnline. Të gjitha të drejtat janë të rezervuara.