06.09.2019, 11:18

Haradinaj: Policia jonë me qenë pjesë e INTERPOL-it për me luftuar krimin transnacional

Policia e Kosovës shënon sot 20-vjetorin e themelimit, me ç’rast ka mbajtur një ceremoni ku kanë marrë pjesë zyrtarë të lartë institucionalë.

E, Kryeministri në detyrë i Kosovës, Ramush Haradinaj ka folur për nevojën që Policia e Kosovës t’i bashkohet INTERPOL-it.

Ai ka thënë se bashkimi i Kosovës në këtë organizatë, përbën përparimin në luftën kundër korrupsionit dhe sipas tij, kushdo që e pengon këtë gjë e ndihmon krimin brenda dhe jashtë vendit.

“Policia jonë me qenë pjesë e INTERPOL-it për me luftuar krimin transnacional. Me pengu anëtarësimin e Kosovës në anëtarësimin, i bjen me ndihmu krimin”, ka thënë Haradinaj.

Haradinaj ka falënderuar edhe institucionet amerikane për bashkëpunimin e mire me Policinë e Kosovës.

LEXO EDHE:  Gjermania pa plane për Kosovën

“Institucionet partnere të SHBA-së, ju falënderoj për bashkëpunimin. Policia e ruan jetën e njerëzve të këtij vendi. Mundem me thanë që njerëzit e Kosovës janë me fat që ju kanë ju”, ka theksuar kryeministri.

Ai ka theksuar se Qeveria e Kosovës do të vazhdojë që ta përkrahë zhvillimin dhe rritjen e Policisë së Kosovës.

© SuharekaOnline. Të gjitha të drejtat janë të rezervuara.