Haradinaj pas takimit me Thaçin: Nuk folëm as për presidentin e as për Specialen

Pas takimit me presidentin Hashim Thaçi, kreu i AAK-së, Ramush Haradinaj ka thënë se takimi me të është mbajtur për t’u koordinuar për temat nacionale.

Ai i ka mohuar zërat se është biseduar për postin e presidentit.

“Isha në takim me ftesë të  presidentit Thaçi për konsullata dhe për zhvillimet në vend. Diskutuam për gjendjen në vend dhe për pandeminë”.

“Një takim që është praktik. Kemi pasur takim kryesisht për zhvillimet në vend politike dhe institucionale”, tha Haradinaj.

Ai gjithashtu ka mohuar se në këtë takim është biseduar për postin e presidentit dhe Gjykatën Speciale, raporton EO.

“Jo nuk kemi biseduar për postin. Nuk ra kjo temë dhe nuk më tha se ka diçka të re në këtë drejtim”, tha ai.

Nga takimi ka dal edhe kryetari i Nisma Socialdemokrate, Fatmir Limaj, por që nuk është prononcuar për medie.

© SuharekaOnline. Të gjitha të drejtat janë të rezervuara.