Kryeministri i Republikës së Kosovës, shprehi se ne si shtet deri në muajin mars të vitit 2019, mund të kemi liberalizimin e vizave.

Haradinaj tha se zyrtarët evropian na kanë thënë që të mos caktojmë data por, kryeministri tha se kjo çështje është në interes dhe e rëndësishme për Kosovarët.

Kryeministri i vendit në një komunikatë për media tha se “Ne e kemi mundësinë për liberalizimin nëse në muajin shkurt mblidhet Këshilli i Ministrave dhe po punojmë në këtë drejtim. Në fakt, e kemi shumë me rëndësi ta marrin liberalizimin e vizave në shkurt apo mars të 2019-s. E di që evropianët po thonë që mos caktoni datë. Ne nuk po caktojmë data, por e kemi interes këtë çështje”.

Po ashtu, Haradinaj përmendi edhe ftesat e Gjykatës Speciale për ish-luftëtarët e UÇK-së për në Hagë. Kryeministri tha se kjo është bërë vetëm për shkak që ta mbajnë Kosovën në Izolim.

Kryeministri i Kosovës, Ramush Haradinaj tha “Lëvizja e lirë do ta rriste besimin e qytetarit të Kosovës për BE-në. Kam kërkuar miqësisht, sidomos prej vendeve të Quntit, që vërtet të ketë lëvizje në këtë drejtim, ngaqë Kosova i ka plotësuar kriteret e parapara për këtë proces. Në këtë drejtim, ai ka thënë se është e pashpjegueshme mbajtja e Kosovës në izolim”.