Haradinaj i reagon Kurtit: Taksa të hiqet me njohje, ndryshe mbetesh duarthatë

Haradinaj i reagon Kurtit: Taksa të hiqet me njohje, ndryshe mbetesh duarthatë

Pas paralajmërimit të kryeministrit Albin Kurti se do ta heq taksën sapo të vendoset reciprociteti, ka reaguar kreu i AAK-së.

Ish-Kryeministri Ramush Haradniaj, ka kërkuar nga shefi i qeverisë Albin Kurti, që të mos e heq taksën ndaj mallrave serbe dhe atyre boshnjake, pa njohjen e pavarësisë së Kosovës.

Haradinaj, ka paralajmëruar Kurtin se do mbetet pa asgjë, me shfuqizimin e këtij vendimi.

“Mos e bëj dorëzimin përpara njohjes nga Serbia, sepse do mbetesh duarthatë”, është shprehur Haradinaj, pa dhënë më shumë detaje, përmes një reagimi të publikuar në faqen e tij zyrtare në “Facebook”.

Reagimi i Haradinajt:

Presidenti Trump në letrat e tij dërguar Kosovës dhe Serbisë kërkoi shprehimisht njohjen e Kosovës nga Serbia. Edhe ne po kërkojmë të njejtën. Taksa të hiqet me njohje, dhe zgjidhet problemi.

Mos e bëj dorëzimin përpara njohjes nga Serbia, sepse do mbetesh duarthatë!

RAPORTO