Hajnat i vjedhin mërgimtarës nga Zvicra arin në vlerë prej 10 mijë euro, para të gatshme dhe dokumentet

Një fenomen mjaft shqetësues për qytetarët e Kosovës janë bërë vjedhjet e shpeshta që po shkaktojnë ankth e pasiguri.

Rastet më të shpeshta ndodhin tek mërgimtarët, që janë cak i hajnave pothuajse çdo ditë.

Një rast i tillë i vjedhjes dyshohet të ketë ndodhur në Prizren, ku një mërgimtare ka raportuar se dikush ia ka thyer xhamin e veturës dhe ia kanë vjedhur arin në vlerë të 10 mijë euro. Përveç kësaj, hajnat kanë vjedhur edhe para të gatshme dhe dokumentet personale të Zvicrës.

Mërgimtarja ka vendosur të kërkojë ndihmën e Policisë, duke e denoncuar rastin, me shpresën që do t’i gjejë sendet e saj me vlerë si dhe paratë.

Si rezultat i denoncimit, është vënë në dijeni edhe Prokurori i Shtetit, me urdhër të së cilit është iniciuar rasti “vjedhje e rëndë” dhe kanë nisur hetimet për identifikimin e të dyshuarve./GazetaSinjali/