U bënë më shumë se një muaj që kirurgët kanë hyrë në grevë, kurse greva në arsim sot ka hyrë në javën e tretë, së shpejti do ti bashkohen edhe shërbyesit civil kësaj greve, e gjithë kjo grevë po bëhet për shkak të rritjes së koeficientit të pagave. Por, Qeveria e Kosovës deklaroi se ne nuk i përballojmë të gjitha këto kërkesa, po ashtu analistët e politikës këto greva vlerësohen si rrezikim për Qeverin e Kosovës.

Siç dihet, kirurgët nga data 17 Dhjetor të vitit 2018 kanë hyrë në grevë në Qendrën Klinike Universitare të Kosovës (QKUK), për shkak që të ndryshohet ligji për paga, ku më vonë kësaj greve iu bashkangjitën edhe ortopedët.

Këto greva kanë ardhur për mos pakënaqësit e mosrritjes së pagave, ku me datën 25 Janar, infermierët organizuan një protestë në oborrin e QKUK-së.

Greva e kirurgëve dhe ortopedëve, kanë bërë që edhe anëtarët e Komisionit për Shëndetësi në Kosovë të jenë të shqetësuar për këtë grevë.

Kurse, Drita Millaku anëtare e Komisionit për Shëndetësi në Kosova tha se: “Ne jo vetëm që do të mbetemi pa kuadro të reja, por jemi në rrezik edhe me këta që i kemi në punë, pasi nuk po ua mundësojmë kushtet elementare për punë. Është një gjendje e rëndë në përgjithësi në shëndetësi sa u përket edhe infermierëve, sepse edha ata kanë filluar të largohen në drejtim të Gjermanisë. Shpresoj që një presion i madh i qytetarëve do të mundë ta ndalojë këtë ministër dhe këtë Qeveri, sepse vetëm kategoria e sojit të  ministrit do të na mbetet në vitet e ardhshme. Grevat e njëpasnjëshme tregojnë së në çfarë gjendje është shëndetësia”.