Greva 1 orëshe në aeroport, shtyhen disa fluturime
Shoqata Sindikale e kontrollerëve të trafikut ajror, ka mbajtur sot grevë një orëshe, prej orës 08:00 deri në ora 09:00. Greva vjen si pasojë e pakënaqësive të përfshirjes së këtij institucioni në Ligjin për Pagat, të miratuar nga Kuvendi i Kosovës. SINKON, ka thënë se greva e tyre do të sjellë probleme të mëdha në […]
Shoqata Sindikale e kontrollerëve të trafikut ajror, ka mbajtur sot grevë një orëshe, prej orës 08:00 deri në ora 09:00.
Greva vjen si pasojë e pakënaqësive të përfshirjes së këtij institucioni në Ligjin për Pagat, të miratuar nga Kuvendi i Kosovës.
SINKON, ka thënë se greva e tyre do të sjellë probleme të mëdha në trafikun ajror.
Gjithashtu, ky institucion ka paralajmëruar se nëse Institucionet e Kosovës nuk reagojnë pas kësaj greve, situata do të përshkallëzohet.
Kështu sipas paralajmërimit të shoqatës disa fluturime janë shtyrë për disa minuta dhe disa për orë. Turkish Airlines fluturimin e paraparë të realizohet në ora 9:10 e ka shtyrë në ora 10:15. Gjithashtu është shtyrë fluturimi i Swiss nga Prishtina për në Gjenevë për 20 minuta, nga ora 9:20 në ora 9:40.