Gjatë javës së ardhshme pritet t’iu dalin 100 eurot punëtorëve të sektorit privat

Sipas MFPT-së, deri tani mbi 300 mijë punëtorë kanë aplikur për këtë mbështetje, ku aplikimi ishte hapur gjatë muajit të kaluar, kurse afati për aplikim përfundon sot.

“Mnistria e Financave, Punës dhe Transfereve njofton qytetarët se sot është afati i fundit për të aplikuar për mbështetje për punëtorët që nuk marrin pagë nga buxheti i shtetit.

Aktualisht, mbi 300 mijë punëtorë kanë aplikuar për mbështetje financiare prej 100 Euro.

Gjithashtu, vlen të theksohet se MFPT tashmë ka themeluar Komisionin Zbatues për vlerësimin e aplikacioneve dhe gjatë javës së ardhshme pritet të bëhet shqyrtimi i tyre dhe ekzekutimi i mjeteve”, thuhet në njoftim.