Kompania prodhuese nga Suhareka, “Frutex”, është pjesëmarrëse në panairin ndërkombëtar të Berlinit, “International Green Week”.

Ky panair mbahet në Gjermani nga data 18 janar deri më 27 janar dhe në të prezantohen produktet nga mbarë bota.

Prodhimet “Made in Kosova” po përfaqësohen denjësisht nga Frutex në këtë panair, ku kjo kompani prezanton produktet e saj si pija energjike Golden Eagle.

Kompania për prodhimin e pijeve joalkoolike dhe energjetike “Frutex”, nga Suhareka, që një dekadë arritur që produktet e saj t’i eksportojë në shumicën e vendeve të rajonit, por edhe në Austri, Itali, Afrikë dhe në Shtetet e Bashkuara të Amerikës.

Kompania Frutex nga Suhareka është njëra ndër kompanitë më të suksesshme prodhuese në Kosovë. Ajo prodhon pije energjike “Golden Eagle” si dhe lëngjet “Relax”. Cilësia dhe kualiteti i produkteve ka bërë që produktet e saj të jenë të shtrira në mbi 20 vende botërore.