Fillon aksioni i policisë për armëmbajtje pa leje

Gjatë ditës së djeshme Policia e Kosovës organizoi një aksion për armëmbajtje pa leje ku së pari filluan në Vushtrri dhe Pejë, ku Policia njofton se gjatë aksionit ka pasur edhe persona të arrestuar.

Aksioni i Policisë së Kosovës për armëmbajtje pa leje pasi filloi në Vushtrri dhe Pejë pritet që ky aksion të vazhdojë edhe në Komunat e tjera të Kosovës duke përfshirë edhe komunën e Suharekës.

Ky aksion ka ndodhur për shkak që gjatë muajit dhjetor, u zhvillua një fushatë për legalizimin e armëve të vogla dhe të lehta kjo fushatë zgjatë 6 muaj, ku deri më tani nuk ka pasur interesim nga qytetarët e Kosovës.

Policia e Kosovës njoftoi se gjatë aksionit ku ishin dhe sa armë janë sekuestruar.

Rr. Nikollë Ivanaj, Pejë 10.01.2019-19:00. Është raportuar gjatë kontrollit në veturën e të dyshuarit mashkull K/Shqiptar, është gjetur dhe sekuestruar një pistoletë me 15 copë fishekë.  I njëjti është intervistuar dhe me vendim të prokurorit është liruar në procedurë të rregullt.

Fsh. Sllatinë, Vushtrri 10.01.2019-06:30. Është arrestuar i dyshuari mashkull K/Shqiptar, pasi që me urdhëresë të Gjykatës Themelore në Mitrovicë është bërë kontrolli i shtëpisë dhe objekteve ndihmëse pronë e të dyshuarit, me ç’rast është gjetur dhe konfiskuar një pistoletë,  një karikator dhe 64 fishekë të kalibrave të ndryshëm. Me vendim të prokurorit, i dyshuari është liruar në procedurë të rregullt.

Fsh. Sllatinë, Vushtrri 10.01.2019-06:30. Është arrestuar i dyshuari mashkull K/Shqiptar, pasi që me urdhëresë të Gjykatës Themelore në Mitrovicë është bërë kontrolli i shtëpisë dhe objekteve ndihmëse pronë e të dyshuarit, me ç’rast është gjetur dhe konfiskuar një pistoletë me gaz dhe një kondak i pushkës. Me vendim të prokurorit, i dyshuari është liruar në procedurë të rregullt.

Rr. Shote Galica, Vushtrri 10.01.2019-06:30. Është arrestuar i dyshuari mashkull K/Shqiptar, pasi që me urdhëresë të Gjykatës Themelore në Mitrovicë është bërë kontrolli i shtëpisë dhe objekteve ndihmëse pronë e të dyshuarit, me ç’rast është gjetur një pistoletë, dy karikator, 14 fishekë dhe një këllëf i armës. Me vendim të prokurorit, i dyshuari është liruar në procedurë të rregullt.

Fsh. Sllatinë, Vushtrri 10.01.2019-06:30. Është arrestuar i dyshuari mashkull K/Shqiptar, pasi që me urdhëresë të Gjykatës Themelore në Mitrovicë është bërë kontrolli i shtëpisë dhe objekteve ndihmëse pronë e të dyshuarit, me ç’rast  është gjetur dhe konfiskuar një pushkë gjuetie me dy rrethore, 43 fishekë dhe një tytë e pushkës së gjuetisë. Me vendim të prokurorit, i dyshuari është liruar në procedurë të rregullt, përcjellë lajmi.net