Edhe FSK angazhohet në shuarjen e zjarreve

  • 03.04.2019, 16:37

Në Kosovë, për shkak të thatësisë dhe temperaturave të larta që po mbretërojnë këto ditë, janë shpeshtuar ndezjet e pyjeve dhe fushave barike.

Ekipet zjarrfikëse të FSK-së, dje dhe sot janë angazhuar në mbështetje të pushtetit lokale për shuarjen e zjarreve në malet e Llaushës, Rakinicës dhe të fshatit Qubrel, Komuna e Skenderajt dhe në fshatin Vranidoll, Komuna e Prishtinës.

Në  këto operacione është angazhuar Njësia e Task Forcës e FSK-së, me 33 pjesëtarë dhe 7 automjete, të cilët që nga dita e djeshme kanë arritur t’i shuajnë zjarret në pjesën më të mëdha të pyjeve të këtyre anëve.

Ndërkaq, sot operacioni për shuarjen e zjarreve po vazhdon në fshatrat Llaushë, Qubrel dhe Vranidoll.

FSK apelon te të gjithë qytetarët që të mos i ndezin mbeturinat dhe djerrinat, pasi në këtë mot të thatë lehtë shkaktohen dëme në malet e Kosovës.


Të tjera