Edhe 433 kadetë i shtohen Policisë, nga nesër janë në detyrë

  • 13.02.2023
Edhe 433 kadetë i shtohen Policisë, nga nesër janë në detyrë

33 kadetë të rinj diplomuan sot në gjeneratën e 57- të të Policisë së Kosovës, në mesin e tyre edhe 53 gra. Këta policë, nga nesër janë në detyrë.

Në ceremoninë e diplomimit morën pjesë edhe presidentja e Kosovës, Vjosa Osmani dhe kryeministri, Albin Kurti.


Në ceremoninë e diplomimit  të 433 kadetëve, Osmani tha se pjesëmarrja e grave në polici është një investim i duhur për gjithë shoqërinë.

“Ju mbani një përgjegjësi të dyfishtë. Së pari të dashura vajza, do t’i shërbeni vendit dhe qytetarëve për garantim të rendit e sigurisë, por do të jeni inspirim për shumë vajza që do të ndjekin rrugën tuaj. Kjo pjesëmarrje e grave tregon edhe angazhimin serioz për rritjen e numrit të grave në këto pozita. Besoj fuqishëm se pjesëmarrja e grave në polici dhe të gjitha strukturat e sigurisë është investim i nevojshëm për sigurinë e gjithë vendit tonë”, ka thënë ajo.

Ndërsa kryeministri Albin Kurti, ka thënë se për Qeverinë e Kosovës mbeten prioritete mbrojtja dhe siguria e vendit, si dhe vendosja e rendit dhe ligjit.

Sipas tij kjo ceremoni bëhet edhe më e veçantë teksa ndodhë në prag të përvjetorit të pavarësisë së Kosovës.

“Jam dyfish i lumtur që jemi këtu në prag të festimit të 15-vjetorit të Pavarësisë së Kosovës tek po shtojmë dhe forcojmë radhët e Policisë së Kosovës. Sikur vendi ynë edhe Policia e Kosovës ka kaluar nëpër etapa të ndryshme. Të gjithë jemi të qartë se policia mbron jetën e qytetarëve dhe zbaton ligjshmërinë. Për Qeverinë tonë, mbrojtja dhe siguria e vendit, vendosja e rendit dhe ligjit janë prioritet”, tha Kurti.

Kryeministri ka përmendur edhe operacionet më të suksesshme të Policisë së Kosovës gjatë dy viteve të fundit.

“Vetëm gjatë vitit të kaluar u realizuan 854 operacione policore ndaj krimit të organizuar dhe kontrabandës. U arrestuan 3 mijë e 202 veta, prej tyre 301 zyrtarë publikë. I mbyllëm 16 rrugë ilegale në veri, i shkatërruam 69 grupe kriminele.U konfiskuan mbi 1.8 tonë substanca narkotike, u shkatërruan 5 laboratorë të drogës, si dhe tre laboratorë të prodhimit të kriptovalutave në veri. Në vitin 2022 i ndërtuam 4 objekte policore në veri të Kosovës”, ka deklaruar Kurti.

Ai ka thënë se Policia e Kosovës është ndër institucionet më të besueshme nga qytetarët e vendit.

N'minuta
Suharekë, rruga e lagjes “Fan Noli” vërshohet nga mbeturinat, ankohen qytetarët
Suharekë, rruga e lagjes “Fan Noli” vërshohet nga mbeturinat, ankohen qytetarët
[FOTO] Vetura përplaset me ujkun në autostradën Prizren-Suharekë
[FOTO] Vetura përplaset me ujkun në autostradën Prizren-Suharekë
Disa të rinj kapen në video duke dëmtuar ulëset në “Shtigjet e Ecjes”, Muharremaj kërkon intervenimin e policisë
Disa të rinj kapen në video duke dëmtuar ulëset në “Shtigjet e Ecjes”, Muharremaj kërkon intervenimin e policisë
Ganimete Hoxha nga fshati Budakovë ka nevojë për ndihmën tuaj
Ganimete Hoxha nga fshati Budakovë ka nevojë për ndihmën tuaj
Suharekë, zjarrfikësit vazhdojnë të përballen me zjarre malore
Suharekë, zjarrfikësit vazhdojnë të përballen me zjarre malore
Ambient i pastër, “betonizohet” rruga në Zonën Industriale
Ambient i pastër, “betonizohet” rruga në Zonën Industriale
Zjarr mbi fshatin Sallagrazhdë
Zjarr mbi fshatin Sallagrazhdë
Kapen me marihuanë, arrestohen 4 të rinj në Suharekë
Kapen me marihuanë, arrestohen 4 të rinj në Suharekë
Aksident në autostradë në drejtimin Suharekë-Prizren, raportohet për të lënduar
Aksident në autostradë në drejtimin Suharekë-Prizren, raportohet për të lënduar
Aksident në autostradë në drejtimin Suharekë-Prizren, një person i lënduar rëndë
Aksident në autostradë në drejtimin Suharekë-Prizren, një person i lënduar rëndë