“E luta” Rugovën që të bëhej Komandant i UÇK-së

Sigurimi Internacional

Ofertë speciale

Haliti, teksa ka rrëfyer ngjarje për jetën e tij në “Personale” në tv Dukagjini ka thënë se i kishte ftuar Rugovën që të bëhej komandant i përgjithshëm UÇK-së.

“Jam përpjekë që t’ia mbushi mendjen (Ibrahim Rugovës) që të jetë komandant i përgjithshëm i Ushtrisë Çlirimtare të Kosovës” ka thënë Haliti.

Haliti këto komente i ka bërë teksa ka rrëfyer edhe ngjarje të tjera për jetën e tij gjatë luftës së fundit në Kosovë.

Nuk ka vonuar shumë, dhe ka ardhur reagimi i parë i Lidhjes Demokratike të Kosovës lidhur me deklaratën e deputetit të PDK-së, Xhavit Haliti se ka ftuar ish-presidentin Ibrahim Rugova që të bëhej komandant i Ushtrisë Çlirimtare të Kosovës.

Anëtari i LDK-së dhe ish këshilltari i Isa Mustafës gjatë kohës sa ky i fundit ishte kryeministër i vendit, Bajram Geci, ka thënë se Rugovën nuk ka pasur nevojë askush që ta lutë që të bëhej komandant UÇK-së.

“Nuk ke pasur nevojë me e lutë fare o Xhavit Haliti, sepse mandatin e Komandantit Suprem të Forcave të Armatosura ja kishte garantuar Kushtetuta e Kaçanikit, kushtetutë kjo në të cilën, sa herë që ju duhet, thirreni edhe ju!”, ka shkruar Gecaj.