Një kalimtar rasti ka mbetur i vdekur në vend si pasojë e një goditje që ka marrë nga nga një veturë.

Ngjarja ka ndodhur në Shirokë dhe në vendin e ngjarjes kanë dalur njësitë e policisë. Vdekjen e ka konfirmuar mjeku që ka dalë në vendin e ngjarjes.

Sipas burimeve tona bëhet fjalë për një person 81 vjeqar S.H( emër i njohur për redaksinë).

Këtë e ka konfirmuar për zëdhënësi i Policisë së Prizrenit, Vesel Gashi. Ai ka bërë të ditur se viktima ka vdekur në vendin e ngjarjes, derisa i dyshuari është arrestuar.

“Rreth orës 17:10 ka ndodhur një aksident trafiku me fatalitet në Shirokë të Suharekës. Një këmbësor ka mbetur i vdekur në vendin e ngjarjes pasi është goditur nga vetura, dhe vdekjen e tij e ka konfirmuar ekipi mjekësor. Me këtë rast është arrestuar edhe i dyshuari. Viktima është i lindur më 1938”, ka thënë ai.

Gashi ka shtuar se Policia është në vendin e ngjarjes dhe po e heton rastin.