Abdixhiku ishte ministër i Infrastruktrës në qeverinë Kurti 1. Durmishi ka thënë se në kohën sa ishte ai ministër, ishte marrë vetëm një projekt.

“Lumiri është marrë vetëm me një projekt sa ka qenë ministër, ai projekt është në hetuesi. Atë projektin e Veternikut”, tha ai.

“Nuk e di se a po hetohet ai personalisht. Por po them se vetëm një projekt ai është marrë sa ishte në ministri. Dhe qaj projekt është në hetuesi”, shtoi ai në ATV.

Ndërkohë mbrëmë Abdixhiku përmendi shkarkimet e sekretarëve të përgjithshëm, ndërsa kujtoi se kryeministri Albin Kurti i kishte thurur lavde ministrisë së udhëhequr prej tij në 100 ditëshin e Qeverisë LVV-LDK.

“Janë të pavërteta sepse nuk i njeh Hyseni këto çështje. S’ka qenë aty kur i kam marrë atëherë vendimet bashkë me partnerët e koalicionit për t’i shkarkuar të gjithë sekretarët e përgjithshëm të përfshirë në këtë proces. Nuk i di gjërat ai”, tha Adixhiku në ATV.

“Meqenëse nuk i di këto gjëra, edhe nuk meriton përgjigje”, theksoi ai.