Tashmë ka përfunduar numërimi i votave të rregullta në 2 mijë e 382 vendvotime. Ndërsa KQZ është duke vazhduar vlerësimin e pakove të supozuara me fletëvotime nga diaspora.

Zëdhënësi i Komisionit Qendror të Zgjedhjeve (KQZ), Valmir Elezi përkmes një komunikate për media ka bërë të ditur se deri më tani 11 mijë e 653 pako të supozuara me fletëvotime i janë nënshtruar procesit të vlerësimit.

Ndërsa prej tyre sipas Elezit janë aprovuar 8 mijë e 212 zarfe me fletëvotime.

Po ashtu ai ka dhënë edhe disa arsye, ku njëra prej tyre është se disa prej pakove janë dërguar nga persona që nuk janë të regjistruar si votues jashtë Kosovës, e disa të tjera për shkak se janë dërguar nga persona që janë refuzuar në periudhën e aplikimit.

“Arsyet e refuzimit të tyre janë të ndryshme. Disa prej këtyre pakove janë dërguar nga persona që nuk janë të regjistruar si votues jashtë Kosovës; disa të tjera për shkak se janë dërguar nga persona që janë refuzuar në periudhën e aplikimit.

Po ashtu, në disa raste pakot janë dërguar nga votues të paidentifikuar (votim grupor); apo se në pakon që kanë dërguar kanë bashkangjitur dokumente jo-valide”, tha Elezi.

Ndërsa në fund shtoi se sipas të dhënave të deritashme, QNR-ja ka rritur që nga 2 382 vendvotime të procesojë në sistem të dhënat nga formularët e subjekteve politike për 2 100 vendvotime (88.16%) si dhe të dhënat nga formularët e kandidatëve për 1 679 vendvotime (70.49%).