Deri më sot në Kosovë për COVID-19 u testuan rreth 64 mijë persona

Ka disa javë që numri i rasteve pozitive me COVID-19 në Kosovë ka shënuar rënie dhe njëkohësisht ditëve të fundit edhe numri i rasteve të vdekjeve është zvogëluar.

Që nga identifikimi i rasteve të para në mars të këtij viti e deri më tani nga IKSHPK janë testuar afër 64 mijë persona të dyshuar se janë prekur nga COVID-19.

Sipas IKSHPK-së në Kosovë janë edhe 1754 raste aktive me COVID-19, ku që nga fillimi i pandemisë me këtë virus janë prekur 15,270 persona.

Në 24 orët e kaluar janë raportuar 85 të shëruar dhe 62 raste të reja me COVID-19, ku dy prej tyre ishin nga Komuna e Suharekës.