Deri më 4 shkurt mbi 100 të ftuar shkojnë në Gjykatën Speciale

14.01.2019

Kryetari i OVL-UÇK, Hyseni Gucati  ka deklaruar se me 4 shkurt do të shkojë për në Hagë grupi i fundit për intervistim, duke shtuar se ka disa ushtarë nga rajone të ndryshme të cilët veçse e kanë marrë ftesën, ndërkaq flitet për 100 persona që do të thirren. Gucati ka thënë se është e papranueshme […]

Deri më 4 shkurt mbi 100 të ftuar shkojnë në Gjykatën Speciale Foto: Ilustrim

Kryetari i OVL-UÇK, Hyseni Gucati  ka deklaruar se me 4 shkurt do të shkojë për në Hagë grupi i fundit për intervistim, duke shtuar se ka disa ushtarë nga rajone të ndryshme të cilët veçse e kanë marrë ftesën, ndërkaq flitet për 100 persona që do të thirren.

Gucati ka thënë se është e papranueshme ajo që po ndodh me intervistimet nga Gjykata Speciale.

“Për ne është e papranueshme, kjo do të zgjasë deri më 4 shkurt kur do të shkojë edhe grupi i fundit. Kjo Gjykatë Speciale o ka na çon mallin si gjykatat ish -jugosllave”, deklaroi ai, duke shtuar se komandantët e UÇK’së sipas tij nuk kanë frikë nga drejtësia.