COVID-19 në Kosovë, mbi 8 mijë raste aktive dhe 1.616 viktima

Eurolinda Zenelaj

03.03.2021 / Lajme

Instituti Kombëtar i Shëndetësisë Publike në Kosovë ka njoftuar se gjatë ditës së martë janë identifikuar 488 raste pozitive me COVID-19, shifër kjo më e larta që nga fillimi i vitit 2021.

IKSHPK-ja ka bërë të ditur se në Komunën e Suharekës janë identifikuar 5 raste të reja me COVID-19 dhe ka raportuar për një viktimë të moshës 87 vjeç, shkruan SuharekaOnline.

Rastet pozitive me COVID-19 në Komunën e Suharekës janë identifikuar në këto vendbanime: Peqan (1) dhe Suharekë (4).

Gjithashtu gjatë ditës së martë janë shëruar 270 pacientë derisa numri i përgjithshëm i të shëruarve deri më sot është gjithsej 60.333 raste, kurse numri i rasteve aktive është 8.236.

Ndërsa, numri total i rasteve pozitive është 70.185 raste nga 313.132 persona të dyshimtë në virusin SARS-CoV-2 dhe 1.616 raste të vdekjes.

Rastet tjera pozitive janë nga këto komuna: Prishtinë 285 raste, Gjilan 47 raste, Fushë-Kosovë 35 raste, Gjakovë 20 raste, Pejë 17 raste, Kamenicë 11 raste, Lipjan 11 raste, Prizren 11 raste, Deçan 6 raste, Drenas 6 raste, Malishevë 4 raste, Rahovec 4 raste, Viti 4 raste, Ferizaj 3 raste, Klinë 3 raste, Skenderaj 3 raste, Istog 2 raste, Kaçanik 2 raste, Mitrovicë 2 raste, Novobërdë 2 raste, Obiliq 2 raste dhe me nga një rast komunat Graçanicë, Podujevë dhe Vushtrri.

IKSHPK-ja ka apeluar tek të githë qytetarët e vendit që të respektohen masat anti-COVID.

Instituti Kombëtar i Shëndetësisë Publike në Kosovë gjithashtu ka rekomanduar:

Të qëndrohet në shtëpi, dhe dalja të jetë vetëm për nevoja të domosdoshme;
Ndalimi rigoroz i takimeve me njerëz me të cilët nuk jetoni në bashkësi, pos për qëllime specifike;
Ndalimi rigoroz i tubimeve;
Respektimi rigoroz i masave kufizuese në aktivitetet publike;
Kufizimi i punës për veprimtaritë jo-esenciale dhe vend-ngjarjet duke redukuar edhe kohën e punës gjatë ditës.