Çlirim Gashi
18.06.2019, 12:33

Bizneset mund të përfitojnë deri në 6 milionë euro nga fondi i inovacionit

Ministria e Inovacionit dhe Ndërmarrësisë dhe GIZ-i gjerman, kanë lansuar të hënën edicionin e dytë të Fondit të Inovacionit, pjesë e Projektit CETEP i cili implementohet nga Innovation Centre Kosovo (ICK).

Ministri i Inovacionit dhe Ndërmarrësisë, Besim Beqaj, ka deklaruar se nëpërmjet këtij fondi ndërmarrjet e vogla dhe të mesme mund përfitojnë deri në  50,000 euro.

“Në total do të jenë mbi gjashtë milionë euro, për ndërmarrjet e vogla dhe të mesme, për start-up,  për trajnime, pra gjithmonë për të rritur konkurentshmërinë tonë në tregun vendor dhe ndërkombëtar. Ne përherë të parë kemi bërë një test të bashkimit të fondit. Kemi bashkuar më GIZ-in gjerman 1 me 1. Synimi ynë ka qenë që fondet që i kemi publike të dyfishojmë”, tha ministri Beqaj sot në Radio Televizionin e Kosovës.

Sipas tij këto fonde do të ndahen në bazë të standardeve të GIZ-it. “Afati do të jetë tre javë për aplikim, gjithçka do të jetë online. Këtë vit nuk do të ketë kufizime”, tha ai.

LEXO PO ASHTU:  Veteranët shpenzuan afër 40 milionë euro për gjashtë muaj

Ministri i Inovacionit dhe Ndërmarrësisë, Besim Beqaj, bëri me dije se ky nuk do të jetë vetëm ky projekt që do të jetë së bashku me GIZ-in, por edhe projekte të tjera.

Potenciali dhe kushtet që ofrojnë bizneset e Suharekës

Produktet gjithmonë janë prodhuar me një pasion të madh për luksin dhe rehatinë si dhe në përshtatje me prirjet më të fundit të dizajnit.

“Ne kemi fondin edhe për start-up. Ne do të mbështesim edhe tri sfera që synojmë t’i mbështesim këtë vit, ICT, Agroteknika dhe prodhimi. Këta janë bërë mbi bazën e vlerësimit të vitit të kaluar. Me këtë ne synojmë të rrisim prezentin ndërkombëtare”, tha ai.

Ndryshe, Fondi i Inovacionit, është bashkëfinancim i Ministrisë së Inovacionit dhe Ndërmarërsisë dhe GIZ-it, nëpërmjet Projektit CETEP i cili implementohet nga ICK-ja./GazetaBlic/