Bie numri i rasteve pozitive me COVID-19, shqetësuese numri i viktimave

Edhe pse ditëve të fundit Kosova ka shënuar rënie në numrin e rasteve pozitive me COVID-19, ende shqetësuese mbetet numri i viktimave nga ky virus.

Që nga muaji mars e deri më tani, në Kosovë janë shënuar 14,566 raste pozitive me koronavirus nga 57,239 persona të testuar.

Ndërsa numri i viktimave që kanë humbur jetën nga COVID-19 i është 589, kurse numri i personave që janë shëruar është 11,272 persona, teksa numri i rasteve aktive është 2,705.

Edhe pse numri i rasteve pozitive ka pësuar rënie, Qeveria e Kosovës ende nuk ka marr ndonjë vendim për lirimin e masave si për qytetarët ashtu edhe për bizneset.

Ditë më parë Ministri i Shëndetësisë, Armend Zemaj, ka thënë që masat e njëjta do të mbesin në fuqi të paktën edhe për disa ditë ose javë.

Vetëm në tri ditët e fundit numri i rasteve pozitive brenda 24 ore nuk ka kaluar më shumë se 70 raste në ditë.

© SuharekaOnline. Të gjitha të drejtat janë të rezervuara.