BE rekomandon që të luftohet krimi i organizuar dhe korrupsioni për liberalizimin e vizave

25.01.2019 Lajme

Çështja e liberalizimit të vizave për shtetin e Kosovës, po flitet shumë në raportet BE me Kosovë, po ashtu Drejtuesit e Zyrës së Bashkimit Evropian në Prishtinë, deklaruan se Kosova i ka përmbushur të gjitha kriteret për liberalizimin e vizave, por ata deklaruan edhe se autoritetet e Kosovës, duhet të punojnë shumë në punën e tyre, për luftën kundër korrupsionit dhe krimit të organizuar.

Në përmirësimin e prespektivave të një vendimi përfundimtar që të jetë pozitiv për liberalizimin e vizave, sipas tyre progresi i përgjithshëm mbi sundimin e ligjit do të ndikojë shumë në këtë çështje.

Pse të shkojmë tek mjeku kur ndihemi mirë?!

Po ashtu, siç është cekur më lartë drejtuesit e zyrës së bashkimit evropian në Prishtinë, deklaruan se Kosova i ka përmbushur të gjitha kriteret që i janë dhënë për liberalizim të viazve.

“Duke u bazuar në ecurinë e institucioneve të Kosovës, Komisioni Evropian konsideron se Kosova i ka përmbushur të gjitha parimet e Udhërrëfyesit për Liberalizimin e Vizave. Prandaj, më 18 korrik 2018, Komisioni Evropian rekomandoi liberalizimin e vizave për Kosovën. Tani është në Këshillin e BE-së, një institucion i BE-së i përbërë nga përfaqësues të të gjitha vendeve anëtare të BE-së, për të vendosur mbi propozimin e komisioneve. Procesi i vendimmarrjes është në vazhdim dhe ende do të marrë kohë”.

Por, deri sa të merret ky vendim përfundimtar për vizat, sipas zyrtarëve të Bashkimit Evropian, institucionet e Kosovës, duhet të punojnë shumë për të luftuar luftën kundër korrupsionit dhe krimit të organizuar.

Më tej në përgjigjen e tyre për Zërin thuhet se “Para se të merret një vendim përfundimtar është e rëndësishme që autoritetet e Kosovës të vazhdojnë me vrull punën e tyre në lidhje me luftën kundër krimit të organizuar dhe të korrupsionit në nivel të lartë. Progresi i përgjithshëm mbi sundimin e ligjit do të kontribuojë në përmirësimin e perspektivave të një vendimi përfundimtar pozitiv për liberalizimin e vizave”.