Bashkatdhetarët drejt Kosovës në vikend, pritje të gjata nëpër pikat kufitare

Pritjet më të gjata janë në pikë kalimin kufitar në Merdarë.

Fluksi i ardhjes së mërgimtarëve vazhdon të jetë i madh edhe në këtë ditë vikendi.

Bashkatdhetarët vazhdojnë të vijnë nga vendet e ndryshme, ndërsa pritjet në disa pika kufitare nuk janë të mëdha, por në disa prej tyre pritja është goxha e gjatë.

Qendra kombëtare për menaxhimin kufitar, në përditësimin e fundit (18:52), njofton se pritjet më të mëdha janë në pikëkalimin kufitar në Merdarë (120 minuta) dhe te Dheu i Bardhë (80 minuta).

Pritje relativisht e gjatë është në pikëkalimin kufitar në Jarinje, rreth 15-20 minuta, po ashtu edhe në Vërmicë, rreth 10-15 minuta.

Në pikëkalimet kufitare ku pritja është më e gjatë, janë krijuar kolona më të gjata, ndërsa në pikëkalimet tjera, pritja është deri në pesë minuta.