Avokati i Popullit: Rimbursimi i parave të Trustit nga qeveria, nuk përbën diskriminim

Avokati i Popullit: Rimbursimi i parave të Trustit nga qeveria, nuk përbën diskriminim

Rimbursimi i mjeteve nga Qeveria e Kosovës të 10 për qind të kursimeve për pjesëmarrësit që kanë nën 10 mijë euro në Fondin e Kursimeve Pensionale, në situatën aktuale nuk ka karakter diskriminues, thonë në institucionin e Avokati i Popullit.

Ligji për rimëkëmbje ekonomike COVID-19 është votuar më 4 dhjetor në Kuvendin e Kosovës dhe është shpallur në Gazetën Zyrtare më 7 dhjetor 2020, që nënkupton edhe hyrjen në fuqi të këtij legjislacioni.

Në bazë të këtij ligji, kontributpaguesit mund t’i tërheqin 10 për qind të kursimeve pensionale në Fondin e Kursimeve Pensionale të Kosovës. Kontributpaguesit që kanë kursime deri në shumën 10 mijë euro, në rast të tërheqjes së 10 përqindëshit nga ana e tyre, Qeveria e Kosovës do t’i kompensojë ata brenda pesë vjetëve të ardhshme. Kurse ata që kanë mbi 10 mijë euro, nuk do të rimbursohen.


Në një përgjigje për Radion Evropa e Lirë nga institucioni i Avokatit të Popullit, duke iu referuar Kushtetutës se Republikës se Kosovës, tek nenin për barazia para ligjit, thuhet se nuk parandalohet vënia e masave për mbrojtjen e grupeve që janë në pozitë të pabarabartë.

“Parimet e mbrojtjes së barabartë ligjore nuk parandalojnë vënien e masave të nevojshme për mbrojtjen dhe përparimin e të drejtave të individëve dhe grupeve që janë në pozitë të pabarabartë. Masat e tilla do të zbatohen vetëm derisa të arrihet qëllimi për të cilin janë vënë ato”, thonë nga Avokati i Popullit.

“Në shikim të parë, pa u lëshuar në analiza të thella të çështjes, pa të cilat Avokati i Popullit nuk mund të deklarohet përfundimisht, vërehet se Kushtetuta lejon vendosjen e masave të veçanta, të përkohshme cilat janë të domosdoshme për të zbutur ose për të eliminuar pabarazinë faktike, për krijuar kushte më të favorshme për personat ose grupet të personave që gjenden në pozicion faktikisht të pabarabartë me të tjerët”, thuhet më tej në përgjigjen e Avokatit të Popullit.

Në rastin konkret, thuhet në përgjigje, bëhet fjalë për rrethana emergjente si pasojë e pandemisë, që ka sjellë disa grupe të caktuara në pozitë të pafavorshme.

“Në rrethana të tilla, shteti është i obliguar që të ndërmarrë masa afirmative për të eliminuar apo së paku për ta zbutur pabarazinë faktike. Përderisa, masat e veçanta kanë për qëllim vendosjen e barazisë dhe janë të përkohshme, sipas Kushtetutës, përkatësisht këto masa nuk kanë karakter diskriminues”, thuhet në përgjigjen nga institucioni i Avokatit të Popullit.

Ndryshe, më 11 dhjetor 2020, do të fillojë procesi i aplikimit për kontributpaguesit për të tërhequr 10 për qind të kursimeve pensionale në Fondin e Kursimeve Pensionale të Kosovës. Ky proces do të zhvillohet në mënyrë elektronike përmes një faqeje të veçantë të internetit, e cila tashmë është publikuar nga Fondi i Kursimeve Pensionale.

KOMENTE0

Leave a Reply

Your email address will not be published. Required fields are marked *

N'minuta
Zëri i Qytetarëve
[FOTO] Vetura përplaset me ujkun në autostradën Prizren-Suharekë
[FOTO] Vetura përplaset me ujkun në autostradën Prizren-Suharekë
Disa të rinj kapen në video duke dëmtuar ulëset në “Shtigjet e Ecjes”, Muharremaj kërkon intervenimin e policisë
Disa të rinj kapen në video duke dëmtuar ulëset në “Shtigjet e Ecjes”, Muharremaj kërkon intervenimin e policisë
Ganimete Hoxha nga fshati Budakovë ka nevojë për ndihmën tuaj
Ganimete Hoxha nga fshati Budakovë ka nevojë për ndihmën tuaj
Suharekë, zjarrfikësit vazhdojnë të përballen me zjarre malore
Suharekë, zjarrfikësit vazhdojnë të përballen me zjarre malore
Ambient i pastër, “betonizohet” rruga në Zonën Industriale
Ambient i pastër, “betonizohet” rruga në Zonën Industriale
Zjarr mbi fshatin Sallagrazhdë
Zjarr mbi fshatin Sallagrazhdë
Kapen me marihuanë, arrestohen 4 të rinj në Suharekë
Kapen me marihuanë, arrestohen 4 të rinj në Suharekë
Aksident në autostradë në drejtimin Suharekë-Prizren, raportohet për të lënduar
Aksident në autostradë në drejtimin Suharekë-Prizren, raportohet për të lënduar
Aksident në autostradë në drejtimin Suharekë-Prizren, një person i lënduar rëndë
Aksident në autostradë në drejtimin Suharekë-Prizren, një person i lënduar rëndë
Digjet një veturë në autostradë, afër fshatit Gelancë të Suharekës
Digjet një veturë në autostradë, afër fshatit Gelancë të Suharekës