Anton Quni i bën thirrje Vjosa Osmanit të kthehet në LDK

Anton Quni i ka bërë thirrje Vjosa Osmanit që të kthehet në Lidhjen Demokratike të Kosovës.

Ai ka thënë se në LDK, Osmani do të kishte ndihmën e tij të pa rezervë.

“Nëse Vjosa Osmani në shpirtin e saj, në edukatën e saj bartë filozofinë rugoviane, bart rugovizëm, çmon vlerat e LDK-së, personalisht i bëj thirrje që ajo t’i kthehet gjenezës, t’i kthehet Lidhjes Demokratike të Kosovës’, tha Quni në T7.

“Ajo mund të sfidohet në dy drejtime, a dëshiron të bëhet presidente që e ka të garantuar nga z.Kurti apo dëshiron t’i kthehet shtëpisë së saj, për të cilën ajo ka thënë se është rrit brenda saj’, theksoi Quni.

“Nëse është kjo e dyta ajo do e ketë ndihmesën time, pa asnjë rezervë”, theksoi ai.

Gjithashtu ai ndër tjerash ka thënë se largimi i Vjosa Osmanit nga LDK-ja e ka përgjysmuar partinë.

“Jo që na ka lanë shejë, por e ka përgjysmu Lidhjen Demokratike të Kosovës. E ka humbur përgjysmë forcën e Lidhjes Demokratike”, ka deklaruar ai.