Më vonë ai pritet ta mbledhë edhe Këshillin për Siguri Kombëtare. “Desilo se: Takse na srpske proizvode 100%!”, është titulli i gazetës elektronike “B92”. Kjo ndodhi: Taksa për produktet serbe shkon në 100%!, shkruan B92.

Më herët, qeveria e Kosovës vendosi ta rrisë në 100 % taksën doganore ndaj produkteve të Serbisë dhe Bosnjës dhe Hercegovinës.

Këtë vendim e ka marrë qeveria në mbledhjen e sotme.

Portali serb “Blic.rs” e ka quajtur “Hakmarrje e turpshme” vendimin e Qeverisë së Kosovës.

Qeveria e Kosovës ka ndryshuar vendimin e Ministrisë së Tregtisë dhe Industrisë (MTI) e cila me 6 nëntor vendosi masë mbrojtëse 10% për produktet e importuara me origjinë nga Serbia e Bosnja e Hercegovina.

Kjo është shpallje jo zyrtare e luftës ndaj serbëve në Kosovë“, ka deklaruar kryetari i Listës Serbe, Goran Rakiç, me rastin e masave më të reja të Kosovës.

“Nëse kjo çmenduri nuk ndalet, populli serb nuk do të ketë mundësi për mbijetesë në Kosovë dhe ne kemi marrë fund. Prandaj kërkojmë reagim urgjent dhe ndihmë nga Beogradi. Ne edhe vetë do të gjejmë mënyrën që t’i kundërvihemi kësaj dhune, sepse kjo është luftë për mbijetesë. Prandaj kërkojmë mirëkuptim, solidaritet dhe mbështetje të tërë Serbisë“, ka shtuar ai.