“Alarm i kuq”, nesër protestohet në Telekom për mbrojtjen e punës dhe pagave
Federata Sindikale e Pavarur e Postës dhe Telekomunikacionit të Kosovës, ka njoftuar se nesër do të mbajnë protestë duke filluar nga ora 12:00.
Foto: Ilustrim
Protesta do të mbahet si paralajmërim për kërkesat e tyre.
“Protesta fillon të martën me datë 02.04.2024 prej orës 12:00 deri ne ora 13:00 si paralajmërim për kërkesat tona, fillojmë para objekteve kryesore ne Regjionet e juaj! Varësisht prej zhvillimeve te protestat nuk do të ndalen deri në realizimin e kërkesave tona. Do te jeni në vazhdimësi te informuar për formën e protestave duke mos i përjashtuar as Grevat” , thuhet në njoftim.
Thirrja për protestë u është dërguar punëtorëve përmes emailit, email ky të cilin ua kanë shpërndarë edhe mediave.
Më poshtë përmbajtja e plotë e emailit për protestë nga FSP-PTK:
FSP-PTK thekson se në vitet e fundit është ballafaquar ne vazhdimësi me sfidat qe ka kaluar dhe po kalon kompania jonë. Jemi munduar në maksimum të bëjmë denoncimet për kontratat e dëmshme dhe faktorët që kanë ndikuar në gjendjen aktuale të kompanisë, këto denoncime i kemi bërë në te gjitha instancat shtetërorë ,media e deri te Kryeprokurori i Shtetit.
Siç jeni ne dijeni nga datën 29.02.2024, Telekomit të Kosovës i janë bllokuar llogarit bankare për tu ju zhvatur miliona euro ashtu siç i janë zhvatur edhe ne te kaluarën .
FSP-PTK ju ka bërë të qartë te gjitha institucioneve shtetërorë edhe me herët por edhe sot se përgjegjësia për një tentim shkatërrim e degradim te Telekomit te Kosovës është komplet e tyre duke mos ndërmarr hapa për ndalimin e kësaj gjendje.
FSP-PTK ketë gjendje e cilëson ALARM I KUQ, sepse në çdo moment janë kah rrezikohen edhe mbi 1700 punëtor te Telekomit te Kosovës dhe mbi 1000 punëtor te Postes se Kosovës te cilëve po ju mohohet edhe paga mujore për te cilën punojnë dhe me te cilat mbajnë familjet e tyre.
Pagat janë te garantuara me Kushtetutën e Republikës se Kosovës, ndërsa punëtoreve po ju cenohen nga vendimet arbitrare te individëve te korruptuar ne bashkëpunim me krimin e organizuar:
Të nderuar/a,
Ju bëjmë Thirrje për Protestë!
Protesta fillon të Martën me datë 02.04.2024 prej orës 12:00 deri ne ora 13:00 si paralajmërim për kërkesat tona, fillojmë para objekteve kryesore ne Regjionet e juaj!
Varësisht prej zhvillimeve te protestat nuk do te ndalen deri ne realizimin e kërkesave tona. Do te jeni ne vazhdimësi te informuar për formën e protestave duke mos i përjashtuar as Grevat.
Regjioni i Prishtinës-Objekti Kryesor Dardani.
Regjioni i Ferizaj-Objekti Kryesor.
Regjioni i Gjilanit –Objekti Kryesor.
Regjioni i Prizrenit- Objekti Kryesor.
Regjioni i Pejës- Objekti Kryesor
Regjioni i Gjakovës –Objekti Kryesor
Regjioni i Mitrovicës –Objekti Kryesor.
