Aksident i rëndë në autostradën “Ibrahim Rugova”, afër Mazgitit

Sipas informacioneve nga Policia e Kosovës, incidenti është raportuar rreth orës 15:00 dhe në të janë përfshirë dy kamioneta.

Zëdhënësi i Policisë, Daut Hoxha, ka konfirmuar për Telegrafin daljen e menjëhershme të njësive policore në vendin e ngjarjes.

Për fat të mirë, deri në këto momente nuk raportohet për persona të lënduar.

“Ekipet policore janë duke kryer hetimet lidhur me shkaqet dhe rrethanat e këtij aksidenti,” ka deklaruar Hoxha.

Autoritetet po punojnë për të zbardhur detajet e plota të aksidentit dhe për të normalizuar sa më shpejt qarkullimin në këtë pjesë të autostradës.