Abdixhiku për masat e reja nga Qeveria Kurti: Praktikantët në aksion

27.08.2021

Kryetari i LDK-së, Lumir Abdixhiku me anë të një postimi ka reaguar për masat e reja anti-Covid 19 që janë marr nga Qeveria Kurti. Sipas Abdixhikut, përveç tragjedive njerëzore, kjo qeveri e varfëron ekonominë, transmeton Indeksonline. Abdixhiku i ka quajtur praktikantë Qeverinë Kurti. Postimi i plotë: Praktikantët në aksion! Plot 77 vdekje në 5 ditë […]

Abdixhiku për masat e reja nga Qeveria Kurti: Praktikantët në aksion Foto: Ilustrim

Kryetari i LDK-së, Lumir Abdixhiku me anë të një postimi ka reaguar për masat e reja anti-Covid 19 që janë marr nga Qeveria Kurti.

Sipas Abdixhikut, përveç tragjedive njerëzore, kjo qeveri e varfëron ekonominë, transmeton Indeksonline.

Abdixhiku i ka quajtur praktikantë Qeverinë Kurti.

Postimi i plotë:

Praktikantët në aksion!

Plot 77 vdekje në 5 ditë si rezultat i menaxhimit inekzistent pandemik. Kosova sot është e renditur në 5 vendet e fundit në botë për nga numri i të infektuarve për banorë. SHBA ka kthyer tashmë vendin tonë në vend me rrezikshmëri të lartë. Të njëjtat hapa pritet t’i marrë edhe Bashkimi Evropian. Si masë, natyrisht, vjen mbyllja; e me të dhe gjithë kostot ekonomike pas. Kur s’menaxhon, nuk inspekton, nuk kontrollon, përfundon në ekstreme. Edhe jetë të humbura edhe mbyllje. Edhe tragjedi njerëzore edhe varfërim ekonomik. Pra, alternativë të mirë më nuk ka.

Vendet e rajonit, ndërsa, vazhdojnë jetën e tyre në hapje. Ato ecin para sepse kanë përgjegjshmëri shtetërore. Kanë kontrolle të jashtëzakonshme, inspektime të rregullta, qendra vaksinuese mobile, masa stimuluese e ndëshkuese, kanë shtet që bën punë! Shteti ynë se bën asnjë nga këto.

Praktikantët tanë, punë kanë, por të tjera janë ato. Disa protestojnë ndaj vetes – merreni me mend – të tjerët heqin kapela në rekorded e zeza në vend; ca punë konsiderojnë edhe numrin e telefonatave që njëri i bën; e ai kryesori ka vendosur t’u ndajë infermierëve pak lëmoshë; se për t’i parë e mbështetur as që bëhet fjalë.

Kosova në rënie të lirë sepse pushtetarët tanë ditën që morën pushtet harruan për çfarë janë. 14 shkurtin e morën si festë e si fund, e si garancë që çkado që bëjnë – edhe kur s’bëjnë gjë – nuk ka rëndësi. Po e shohin veten të paprekshëm, prandaj dhe sillen kështu. Kjo arrogancë natyrisht se do të merr edhe përgjigjen e vet – populli sheh – po ç’na duhet kjo përgjigje kur 77 tragjedi familjare i kemi pa mbyllur javën ende.

Qytetarë, vaksinohuni dhe mbrohuni. Nga shteti mos prisni gjë – janë në delir vetëlavdate e mohim krize edhe në kohë morti mbarë nacional. Spitalet janë të mbushura përplot. Mjekët i kemi të lodhur e stërngarkuar, të ofenduar me lëmoshë e të pakët në numër  pasi i larguan 575 punonjës shëndetësorë – po këta.

Na duhet një reagim kolektiv për ta përmbysur këtë keqmenaxhim.