349 pacientë të infektuar me COVID-19 po trajtohen në QKUK dhe spitalet rajonale

Në muajin e parë të këtij viti janë identifikuar numër i lartë i rasteve pozitive me COVID-19 po ashtu është regjistruar numër i lartë i viktimave nga ky virus.

Kjo është bërë e ditur nga Instituti Kombëtar i Shëndetësisë Publike në Kosovë, shkruan SuharekaOnline.

Zëdhënësi i Ministrisë së Shëndetësisë në Kosovë, Faik Hoti ka njoftuar se aktualisht në QKUK dhe në spitalet rajonale të vendit, aktualisht janë duke u trajtuar 546 pacientë.

Nga 546 pacientë që po trajtohen në QKUK dhe sptalet rajonale të Kosovës, prej tyre 349 janë të konfirmuar pozitiv me COVID-19.

Tutje, zëdhënësi i Ministrisë së Shëndetësisë, Faik Hoti ka bërë të ditur se 341 pacientë janë duke u trajtuar me oksigjeno-terapi, 19 të tjerë janë duke u trajtuar me CPAP dhe 5 pacientë janë duke u trajtuar me respiratorë.

Ndryshe, gjatë ditës së mërkurë janë identifikuar 301 raste të reja me COVID-19 dhe janë regjistruar 8 viktima.

Instituti Kombëtar i Shëndetësisë Publike ka bërë të ditur se në Komunën e Suharekës gjatë ditës së mërkurë janë identifikuar 16 raste të reja me COVID-19.

RAPORTO