06.09.2019, 9:18

20 vjet nga themelimi i Policisë së Kosovës

Më 6 shtator të vitit 1999, Misioni i OSBE-së në Kosovë, në pajtim me Rezolutën e Kombeve të Bashkuara 1244, ka hapur Shkollën e Policisë dhe ka filluar trajnimin e kandidatëve për pjesëtarë të Policisë së Kosovës.

Gjenerata e parë e kandidatëve për pjesëtarë të këtij Shërbimi filloi trajnimin në këtë qendër më 6 Shtator 1999.

Kjo gjeneratë numëroi 176 pjesëtarë, të cilët me sukses përfunduan trajnimin dhe pastaj filluan ushtrimin e veprimtarisë policore në tërë territorin e Kosovës si policët e parë të këtij Shërbimi.

Ndryshe, në vazhdën e aktiviteteve të shënimit të 20 vjetorit jubilar të themelimit të PK-së, sot  prej orës 10:00 mbahet ceremonia kryesore si përmbyllje e të gjitha aktiviteteve njëjavore.

LEXO EDHE:  Thellohen mëdyshjet e Kosovës për anëtarësim në INTERPOL
© SuharekaOnline. Të gjitha të drejtat janë të rezervuara.