1660 automjete me targa ilegale janë regjistruar në RKS

16.11.2023 Lajme

Qytetarët serbë të Kosovës në veri të vendit vazhdojnë t’i regjistrojnë automjetet me targa të Kosovës duke i hequr ato ilegalet.

Nga momenti kur Qeveria e Kosovës mori vendimin për zgjatjen e afatit për regjistrimin e automjeteve me targat ilegale serbe. Sipas të dhënave të fundit 1660 automjete me targa ilegale janë regjistruar në RKS.

Pse të shkojmë tek mjeku kur ndihemi mirë?!

Sipas vendimit të Qeverisë së Kosovës në mbledhjen e 28 tetorit, afati për regjistrimin e automjeteve me targa ilegale serbe është shtyrë deri më 1 dhjetor.

#Targa #Veri

Sigurimi Internacional

Ofertë speciale

Qarkullimi i parave të falsifikuara, ish-guvernatori i BQK’së thirrje që të evitohen pagesat ‘cash’

Çka do të ndodhë sot në vend, këto janë ngjarjet kryesore

Ngritje e temperaturave, parashikimi i motit për sot

Shpërthimi në Veri, shkaktohen dëme materiale në një shtëpi

Një granatë dore është hedhur në rrugën “Perandori Dushan” në Mitrovicën e Veriut.

Zëvendësdrejtori i Policisë Rajonale në Veri, Veton Elshani, tha se nga granata janë shkaktuar dëme të vogla materiale në dritaren e një shtëpie dhe shtoi se s’ka lëndime në njerëz.

Sukses pas suksesi! ISEFERI sjellë inovacion për tërë Europën, kubëzat ndriçuese prodhohen në Suharekë

“Rreth orës 01.00 dyshohet për shpërthim të një granate dore në rrugë në rrugën Perandori Dushan në Mitrovica Veriore. Dëme të vogla materiale në dritare të një shtëpie. Nuk ka lëndime në njerëz. Njësitet kompetete policore kanë dal në vend të ngjarjes. Policia pas konsultimit me Prokuror ka hap rastin shkaktim i rrezikut të përgjithshëm”, tha Elshani.

Policia: Mbi 1350 qytetarë në veri kanë ndërruar targat nga ilegale në “RKS”

Më shumë se 1350 qytetarë i kanë riregjistruar targat nga ilegale në ato “RKS”.

Këtë e konfirmoi zëvendësdrejtori i Policisë në Veri, Veton Elshani.

I vetmi në Ballkanin Perëndimor, ISEFERI sjellë ekskluzivitetin e produkteve amerikane

Sipas vendimit të Qeverisë, afati për t’i riregjistruar veturat është deri më 1 dhjetor.

Para se të zgjatej ky afat, Policia në Veri i ishte drejtuar Ministrisë së Punëve të Brendshme me kërkesë pas shumë kërkesave të qytetarëve atje.

Ish-kryeinspektori i AKI-së paralajmëron gjuajtje të sërishme në drejtim të policisë në veri

Ish-inspektori i Agjencisë së Kosovës për Inteligjencë (AKI), Shkelzen Sopjani, ka paralajmëruar gjuajtje të sërishme në drejtim të Policisë në veri të Mitrovicës.

Sopjani ka thënë se situata nuk duket se është e përgatitur për konflikte të mëtejshme, por ka brishtësi të caktuara të sigurisë, veçanërisht për shkak të Serbisë.

Pse të shkojmë tek mjeku kur ndihemi mirë?!

“Situata e sigurisë nuk është shqetësuese, por nuk është edhe jo e brishtë pasi që ka brishtësi dhe e gjithë kjo për shkak të fqinjit verior që e kemi Serbisë, pasi që interesi primar i tyre është që Kosova me qenë sa më e pasigurtë dhe me stagnu sa më shumë. E di sigurt që ata nuk kanë arritur në misionin e tyre, kanë dështuar dhe dështimi më i madh është parë edhe ditëve të fundit”, ka thënë ai, në emisionin “Personale” të RTV Dukagjini.

Sopjani ka shtuar se ka pasur paralajmërime për një sulm të mundshëm në veri të Kosovës.

“Paralajmërimi për një sulm të mundshëm në veri është bërë mbi bazën e përvojës dhe ekspertizës duke bërë krahasime dhe duke e njoftë se çfarë janë në gjendje për të bërë ata, kështu që për mua ka qenë e pritur edhe institucionet e sigurisë nuk kanë qenë të befasuar sepse edhe ato e kanë ditur pak a shumë se do të ndodhë diçka e tillë”, ka vijuar ish-inspektori i AKI-së.

Ai ka paralajmëruar se autoritetet e sigurisë duhet të jenë të përgatitura për ndonjë veprim sporadik nga ana e serbëve.

“E gjitha ndodhi dhe dolëm jashtëzakonisht ballëhapur dhe kryelartë në atë se çka pamë dhe nuk e përjashtojë që mund të ketë edhe pse probabiliteti është shumë më i vogël për me pasë diçka të tillë, mirëpo ndonjë veprim sporadik nuk përjashtohet edhe sot. Mund të ketë ndonjë gjuajte ndaj pjestarëve të policisë, sepse ata [serbët] kanë dal të lënduar dhe të zhgënjyer prej kësaj situate dhe do të mundohen që para publikut të tyre të na poshtrojnë”.

Sopjani ka theksuar se pjesëtarët e policisë në Kosovë duhet të jenë të vigjilentë ndaj ndonjë rreziku të mundshëm, pasi që serbët janë të zhgënjyer e të poshtëruar si dhe mund të eskalojnë me ndonjë gjuajtje ndaj pjestarëve të policisë.

Përkundër sfidave, Sopjani ka vlerësuar se situata e sigurisë nuk është e brishtë deri në masën që të dalë prej kontrollit dhe shtimi i numrit të pjesëtarëve të KFOR-it është një tjetër faktor që ka për qëllim të përmirësojë sigurinë në rajon.

“Serbia është dhe ka mbet në një iluzion, i cili iluzion ushqehet prej fanatizmave dhe prej nacionalizmave të sëmurë pasi që ata nuk shohin kurgjo përtej Serbisë dhe serbëve në këtë pjesë, por e kanë të qartë një pjesë e madhe e tyre të cilat janë duke u vetëdijesuar dhe duke e parë që nuk është mirë të jetohet në këtë iluzion pasi që nuk është lehtë edhe për ta për me qenë satelit i Rusisë, sepse rrethanat gjeopolitike po ndryshojnë”, ka përfunduar Sopjani.