140 gjoba për tregtarët, mashtruan konsumatorët me ngritje të çmimeve

22.12.2018

Në kaudër të Ministrisë së Tregtisë dhe të Industrisë (MTI), Autoriteti Kosovar i Konkurrencës (AKK) dhe së bashku me Inspektoriatin e Tregut, ata kanë një detyrë parësore për monitorimin e çmimeve në treg, pas vendosjes së taksës 100% nga Qeveria e Kosovës ndaj produkteve të Serbisë dhe Bosnje e Hercegovina. Disa tregtarë janë duke e […]

140 gjoba për tregtarët, mashtruan konsumatorët me ngritje të çmimeve Foto: Ilustrim

Në kaudër të Ministrisë së Tregtisë dhe të Industrisë (MTI), Autoriteti Kosovar i Konkurrencës (AKK) dhe së bashku me Inspektoriatin e Tregut, ata kanë një detyrë parësore për monitorimin e çmimeve në treg, pas vendosjes së taksës 100% nga Qeveria e Kosovës ndaj produkteve të Serbisë dhe Bosnje e Hercegovina.

Disa tregtarë janë duke e shfrytëzuar vendosjen e taksës 100% ndaj produkteve me origjinë të shtetit të Serbisë dhe Bosnje e Hercegovina, janë vendosur nën llupën e autoriteteve. Udhëheqësit e Autoritetit Kosovar të Konkurrencës e kan paralajmëruar gazetën “Zëri”, se pasi ia ka vënë vetës përgjegjësi për t’i parandaluar ndërmarrjet, të cilat e kanë shfrytëzuar taksën 100%, për ngritjen e çmimeve në treg.

Lulzim Syla, Kryeinspektori i Inspektoriatit të Tregut, e bëri të ditur se janë shqiptuar 140 gjoba ndaj bizneseve që mashtruan konsumatorët, ku mashtrimet që janë bërë më shumë janë ngritjet e çmimit të bukës, raporton ‘Zëri’.

Kryeinspektori i Inspektoritat të Tregut tha se: “I kemi 140 gjoba të shqiptuara sivjet, kryesisht për mashtrim të konsumatorit. Ka pasur edhe për gjëra tjera që kemi lëshuar edhe aktvendime. Gjobat janë mandatore që ne i japim deri në 1000 euro. Ne i dërgojmë edhe në gjykata. Çdo ditë jemi duke i realizuar inspektimet. Dikush shkon në Pejë, në Gjakovë, në Ferizaj. Kemi inspektime edhe në furra të bukës gjithsesi, por edhe në dyqane që krahasojmë çmimet rafte – arkë”.