Arrestohen dy shqiptarë në Itali: 19 vjedhje brenda 8 dite, dëm 400 mijë euro

Skuadra fluturuese e Modenës, në bashkëpunim me policinë vendase, ka punuar pa pushim për të identifikuar dhe kapur autorët e këtyre vjedhjeve të shumta. Falë hetimeve të gjera, policia arriti të identifikonte dhe arrestojë dy shqiptarë të moshës 37 dhe 40 vjeç.

Banda operonte në zonat e Modenës, Reggio Emilia dhe Bolonjës, duke kryer sulmet e tyre mes orës 17:00 dhe 22:00. Ata përdornin një makinë të regjistruar për një person tjetër, ndërsa një pjesë e tyre hynin në shtëpitë e banorëve dhe vidhnin para dhe sende me vlerë.

Vlerësohet se dëmi total i shkaktuar nga këto vjedhje arrin në rreth 400 mijë euro. Një pjesë e pasurisë së vjedhur është tashmë sekuestruar dhe policia do të fillojë procedurat për t’ua kthyer pronarëve të ligjshëm.

Të dy shqiptarët janë arrestuar me urdhër të gjykatës dhe akuzohen për një sërë veprash penale, përfshirë vjedhjen e kualifikuar. Njëri prej tyre është gjithashtu i paligjshëm në Itali dhe kishte precedentë penalë të mëparshëm.