Thaçit dhe Veselit ju vazhdohet paraburgimi edhe për dy muaj
Dhomat e Specializuara të Kosovës (DhSK) në Hagë kanë vendosur të vazhdojnë masën e paraburgimit ndaj Hashim Thaçit dhe Kadri Veselit për dy muaj të tjerë. Vendimet e ndara u morën më 11 prill 2025 nga kryetari i trupit gjykues, Charles Smith III, sipas raportimeve të “Betimi për Drejtësi”.
Foto: The Kosovo Specialist Chambers and Specialist Prosecutor's Office
Në të dy vendimet, trupi gjykues arsyetoi se nuk ka informacione të mjaftueshme që sugjerojnë se Thaçi dhe Veseli do të arratisen nëse lirohen. Megjithatë, ekziston rreziku i konsiderueshëm që ata të pengojnë zhvillimin e procedurave të DhSK-së, veçanërisht ndaj dëshmitarëve ose atyre që perceptohen si kundërshtarë të Ushtrisë Çlirimtare të Kosovës (UÇK).
Zyra e Prokurorit të Specializuar (ZPS) kishte argumentuar se rreziqet e mundshme mund të menaxhohen vetëm në objektin e paraburgimit. Ky argument u mbështet nga trupi gjykues, i cili vlerësoi se paraburgimi është thelbësor për të parandaluar shkeljet e konfidencialitetit dhe pengimin e drejtësisë. Si rezultat, paneli gjyqësor vendosi se vazhdimi i paraburgimit është i domosdoshëm.
Më 10 prill 2025, u njoftua gjatë një konference javore se paraburgimi i Thaçit ishte zgjatur edhe në rastin e akuzave për pengim të administrimit të drejtësisë.
Etiketat
Nis shqyrtimi gjyqësor për rastin “Banjska”, lëshohen letër rreshtime ndërkombëtare për 42 të akuzuarit e tjerë
Gjykata para 8 dite
Paraburgim njëmujor për të pandehurin J.G. i dyshuar për dhunim të një të miture në Prishtinë
Gjykata para 16 dite
Rasti Thaçi dhe të tjerët- Mirotohet pjesërisht kërkesa e Prokurorisë… për t’i pranuar në prova disa dokumente për Zonën e Nerdorimes
Gjykata para 17 dite
