Gjermani, nga 1 janari rritet paga minimale

16.11.2023 Gjermani

Paga minimale e përcaktuar me ligj do të rritet në Gjermani në 12.41 euro në orë nga janari i vitit të ardhshëm.

Paga minimale në Gjermani aktualisht është 12 euro në orë.

Pse të shkojmë tek mjeku kur ndihemi mirë?!

Qeveria federale miratoi një propozim përkatës lidhur me këtë. Ndërkohë, në vitin 2025, paga minimale do të jetë 12.82 euro në orë.

Vendimi bazohet në rekomandimin e komisionit përgjegjës, por nuk është marrë me konsensus. Përfaqësuesit e punonjësve në komision propozuan paga më të larta, por ata u mbivotuan.

#Gjermani #Paga minimale

Sigurimi Internacional

Ofertë speciale

Gjermani, deri tani katër të vdekur nga moti i keq

Bora vazhdon të pengojë trafikun në Gjermani

Gjermania zgjat kontrollet kufitare me Poloninë, Çekinë dhe Zvicrën

Gjermani, deri tani katër të vdekur nga moti i keq

Referuar zhvillimeve të fundit, Gjermania numëron katër të vdekur, përfshirë një djalë 10-vjeçar, në zonat që janë prekur veçanërisht ditët e fundit nga moti i keq.

Probleme të rënda ekzistojnë në autostrada, ku rrëshqitja e mjeteve në rrugë shkaktoi vështirësi të mëdha në drejtimin e automjeteve.

Sukses pas suksesi! ISEFERI sjellë inovacion për tërë Europën, kubëzat ndriçuese prodhohen në Suharekë

Probleme dhe vonesa mbeten edhe në aeroportin e Mynihut, ku pasagjerët vazhdojnë të kenë vështirësi, pavarësisht se dje ka filluar me fluturimet. Bora dhe akulli në pjesë të Gjermanisë jugore çojnë në ndërprerje të shërbimit të tramvajit dhe aksidente trafiku.

Dy burra humbën jetën në një autostradë në Bavarinë jugore, kur makina me të cilën po udhëtonin u përplas me një kamion për shkak të rrugëve “të ngrira”. I njëjti fenomen shkaktoi shumë më tepër aksidente trafiku në zonën e Mynihut.

Në një rajon gjysmë malor të Saksonisë, një autobus u përplas me një borëpastrues dhe më pas në një pemë, duke vrarë një djalë 10-vjeçar që ishte në autobus. Shoferi dhe një pasagjer tjetër kanë mbetur të plagosur rëndë. Në Baden-Württemberg, një 57-vjeçar nuk arriti të përdorte në kohë sistemin e frenimit dhe u përplas me një autobus. Nga përplasja e fuqishme ai ndërroi jetë.

Në aeroportin e Mynihut disa fluturimet janë pezulluar sërish sot për shkak të akullit, ndërsa orari i fluturimeve mbetet i kufizuar.

Bora vazhdon të pengojë trafikun në Gjermani

Edhe sot vazhdojnë kufizimet e udhëtimit në Gjermaninë jugore pasi reshjet e mëdha të borës gjatë fundjavës sollën kaos në pjesë të mëdha të rajonit, duke mbyllur aeroportin e Mynihut dhe stacionin kryesor të trenit dhe duke ndikuar rëndë udhëtimin rrugor.

Zyrtarët e Deutsche Bahn (Hekurudha Gjermane) kanë kërkuar nga njerëzit që të shtyjnë udhëtimin të hënën, nëse është e mundur, meqenëse nuk do të funksionojnë të gjitha rrugët në distanca të gjata.

Pse të shkojmë tek mjeku kur ndihemi mirë?!

Shumica e trenave midis Mynihut, Weilheim dhe Garmischer Raum do të anulohen të hënën dhe nuk do të ketë ende shërbime midis Mynihut dhe Salzburg/Innsbruck dhe midis Mynihut dhe Lindau/Oberstdorf, njoftojnë mediat gjermane.

Aeroporti i Mynihut u rihap të dielën në mëngjes, pasi u mbyll të shtunën për shkak të motit, por qindra fluturime u anuluan. Aeroporte të tjera, si Hannover, Bremen dhe Memmingen, gjithashtu patën anulime.

Aeroporti këshilloi udhëtarët që të kontrollojnë statusin e tyre të fluturimit të hënën përpara se të udhëtojnë në aeroport.

Gjermania zgjat kontrollet kufitare me Poloninë, Çekinë dhe Zvicrën

Gjermania po zgjat kontrollet e përkohshme kufitare me Poloninë, Republikën Çeke dhe Zvicrën deri më 15 dhjetor, njoftoi të hënën Ministria e Brendshme.

Zakonisht nuk ka kontrolle të rregullta kufitare ose kontrolle dokumentesh në asnjërin prej kufijve të Gjermanisë pasi të gjitha vendet, duke qenë në zonën Shengen, lëvizin pa viza.

I vetmi në Ballkanin Perëndimor, ISEFERI sjellë ekskluzivitetin e produkteve amerikane

Por, në përpjekje për të ndaluar migrimin e paautorizuar, Gjermania ka rivendosur kontrollet kufitare përgjatë kufijve të saj jugorë dhe lindorë.

Një zëdhënës i ministrisë i tha DPA-së të hënën se zgjatja e kontrolleve kufitare do t’i raportohet Komisioniz Evropian në Bruksel, por kontrollet pritet të vazhdojnë, veçanërisht përgjatë kufirit gjermano-polak.

Ministrja e Brendshme, Nancy Faeser, urdhëroi policinë të fillojë të kryejë kontrolle përgjatë kufirit me Poloninë, Republikën Çeke dhe Zvicrën më 16 tetor.

Kontrolle të ngjashme përgjatë kufirit gjermano-austriak kryhen që nga viti 2015.

Që nga 16 tetori, rreth 3.300 hyrje të paautorizuara janë zbuluar në kufirin me Poloninë dhe 1.100 hyrje të paautorizuara janë parandaluar, tha zëdhënësi.

“Kjo do të thotë se këto masa po funksionojnë dhe do të vazhdojnë të veprojnë kështu,” tha ai duke shtuar se “nëse dikush kapet në kufi dhe e bën të qartë se dëshiron të aplikojë për azil, ai përgjithësisht lejohet të hyjë në vend”.

Qëllimi i përgjithshëm i kontrolleve është “të ndalojë kontrabandën gjithnjë e më të paskrupullt dhe brutale të migrantëve”, shtoi zëdhënësi i ministrisë.