Shqiptari kapet me 204 km/h në autostradën kroate, gjobitet dhe i ndalohet patenta

Incidenti ndodhi të premten, kur burri u kap nga punonjësit e policisë së Lika-Senj duke lëvizur me një shpejtësi prej 204 km/h në drejtim të jugut, midis zonave të pushimit Jadova dhe Zir.

Shpejtësia e tij tejkaloi ndjeshëm kufirin e lejuar të shpejtësisë prej 130 km/h në atë zonë.

Për shkeljen e rëndë të rregullave të qarkullimit rrugor, shqiptari u dënua me një gjobë të majme dhe me masën mbrojtëse të ndalimit të përdorimit të patentë shoferit të huaj për kategorinë B për një muaj.