Ndodh edhe kjo, 65 vjeçari austriak po transportonte një grua të vdekur e ulur si pasagjere!

“Mirëdita, dokumentet ju lutem! Keni diçka për të raportuar? Pse keni një grua të vdekur në sediljen e pasagjerit?” Kështu mund të dukej përafërsisht biseda e policit kufitar me shoferin (65) në vendkalimin kufitar ndërkombëtar Gunja, në rrugën e tij për në Kroaci.

Sipas njoftimit të policisë së Vukovar-Srijem, burri ka hyrë në Kroaci nga Bosnja dhe Hercegovina, duke kaluar kufirin me një automjet me targa austriake. Gjatë kontrollit të rutinës, policët kanë vërejtur se gruaja e moshuar, e cila ishte e shtrirë në sediljen e pasme, nuk jepte shenja jete.

Pavarësisht pohimeve të 65-vjeçarit se gruaja po flinte, policët e kanë dyshuar dhe kanë thirrur menjëherë një mjek. Mjeku ka konstatuar se gruaja ishte ndërruar jetë që një kohë më parë.

Hetimet e mëtejshme kanë zbuluar se gruaja kishte vdekur në territorin e Bosnje dhe Hercegovinës, por burri kishte vendosur ta transportonte në Austri në mënyrë ilegale për të shmangur procedurat e nevojshme për transportin e të ndjerëve.

Për këtë veprim, 65-vjeçari është akuzuar. Trupi i gruas është marrë nga një shërbim funeral dhe është iniciuar një hetim penal.

Nga informacionet jozyrtare, mësohet se burri dhe gruaja nuk ishin të lidhur me marrëdhënie familjare, por ai ishte kujdestari i saj. Pas vdekjes së gruas në Bosnjë dhe Hercegovinë, burri ka vendosur ta transportojë trupin në vendlindjen e tij, duke zgjedhur një rrugë të paligjshme.