Tragjedi në Austri, të paktën një i vdekur nga të shtënat në shkollë, dyshohet për vetëvrasje të autorit

Edhe pse raportimet fillestare të mediave lokale dhe botërore flisnin për pesë të vrarë, autoritetet vendase ende nuk kanë konfirmuar shifrat zyrtare, duke përcjellë Telegrafi.

Transmetuesi shtetëror ORF, duke cituar shtypin lokal, raportoi se mes të plagosurve janë nxënës dhe mësues.

Autori i dyshuar i sulmit, i cili në këtë fazë konsiderohet të jetë nxënës, pohohet se ka kryer vetëvrasje, sipas raportimeve të pakonfirmuara.

Një operacion i gjerë policor ishte duke u zhvilluar në rrugën Dreierschuetzengasse, ku ndodhet shkolla e mesme. Policia konfirmoi se ishte duke u zhvilluar një “operacion i madh”, por autoritetet kanë refuzuar të bëjnë komente të mëtejshme lidhur me detajet e ngjarjes.

Grazi, një qytet me rreth 300,000 banorë, është kryeqyteti i provincës jugore austriake të Styria-s. Ngjarja ka shkaktuar shok dhe alarm në komunitet.