Tragjedi në Austri, 35-vjeçari nga Kosova humb jetën nga rryma e lartë në punë

Ai ra në kontakt me një linjë të tensionit të lartë gjatë pastrimit të fasadës së një ndërtese, raportojnë mediat lokale, shkruan Gazeta Sinjali.

Ngjarja e rëndë ndodhi rreth orës 13:00. Viktima, i cili jetonte në Linz, po kryente punën në fasadën anësore të një pallati kur ndodhi aksidenti. Kolegu i tij, një shtetas 34-vjeçar nga Iraku, dëgjoi britmën e kosovarit dhe ndërhyri menjëherë, por fatkeqësisht ishte tepër vonë.

“Me sa duket ai preku një linjë me tension të lartë gjatë punës. Ishte një moment i tmerrshëm”, deklaroi kolegu, i tronditur nga ngjarja.

Ambulanca dhe shërbimet e urgjencës u njoftuan menjëherë, por megjithëse mbërritën shpejt, nuk mundën të bënin asgjë. Ekipet mjekësore kryen reanimim (CPR), por pa sukses. Mjekët konstatuan se 35-vjeçari kishte ndërruar jetë në vendngjarje.

Autoritetet austriake kanë nisur hetimet për të përcaktuar saktësisht rrethanat e këtij aksidenti tragjik.