Katër persona arrestohen në Suharekë për posedim të narkotikëve, njëri dërgohet në mbajtje
06.08.2026
Katër persona janë arrestuar të mërkurën mbrëma në rrugën “Ali Pashë Tepelena” në Suharekë, nën dyshimin për posedim të paautorizuar të substancave narkotike.
Foto: Ilustrim
Sipas Policisë, gjatë kontrollit te të dyshuarit janë gjetur dhe konfiskuar 25.39 gram substancë e dyshuar narkotike e llojit marihuanë, një telefon celular, një shufër metalike dhe një pako rizlla. Pas intervistimit, me vendim të prokurorit, njëri nga të dyshuarit është dërguar në mbajtje, ndërsa tre të tjerët janë liruar në procedurë të rregullt.
