Gjykata Kushtetuese rrëzon kërkesën për procedurën e zgjedhjes së Presidentit

Kërkesa ishte parashtruar nga Albulena Haxhiu së bashku me nëntë deputetë të tjerë të Kuvendi i Republikës së Kosovës.Në vendimin e saj, Gjykata vendosi njëzëri që të refuzojë kërkesën si të pabazuar, si dhe të mos miratojë kërkesën për vendosjen e masës së përkohshme.

Po ashtu, u bë e ditur se vendimi do t’u kumtohet palëve dhe do të publikohet në Gazetën Zyrtare, në përputhje me legjislacionin në fuqi.

Gjykata theksoi se vendimi hyn në fuqi menjëherë, duke përmbyllur kështu këtë çështje kushtetuese që lidhej me procedurat për zgjedhjen e Presidentit të Republikës së Kosovës.