Dështon sërish seanca konstituive, Komisioni për votim të fshehtë merr vetëm 45 vota
Seanca për konstituimin e përbërjes parlamentare të dalë nga zgjedhjet e 9 shkurtit ka dështuar për të 32-tën herë sot.
Ky dështim thellon më tej ngërçin institucional në Kuvendin e Kosovës.
Kryesuesi i seancës, deputeti Avni Dehari, njoftoi se në sallë ishin të pranishëm 75 deputetë. Ai i ftoi sërish Partinë Demokratike të Kosovës (PDK), Lidhjen Demokratike të Kosovës (LDK), koalicionin AAK-Nisma Socialdemokrate dhe Listën Serbe, që të propozojnë anëtarë për Komisionin zgjedhor për zgjedhjen e kryetarit të Kuvendit me votim të fshehtë. Megjithatë, këto parti, edhe kësaj here, nuk propozuan asnjë anëtar.
Më pas, Dehari hodhi në votim komisionin e propozuar me anëtarët ekzistues. Pro votuan 45 deputetë, një ishte kundër, ndërsa nuk pati asnjë abstenim. Ky numër votash mbeti i pamjaftueshëm për miratimin e komisionit, duke dështuar sërish procesin.
Si pasojë e këtij dështimi, seanca tjetër do të mbahet të martën, më 17 qershor, nga ora 10:00.
Etiketat
Rriten të hyrat vetanake të Komunës së Suharekës krahasuar me periudhën e njëjtë të vitit paraprak
Komuna para 15 ore
Pritje të gjata në pikat kufitare të Kosovës – Dheu i Bardhë me deri në 3.5 orë vonesë
Lajme para 17 ore
Një i burgosur tenton të vetëlëndohet në stacionin policor në Suharekë, parandalohet nga zyrtarët policorë
Suharekë para 3 dite
Operacion i gjerë kundër spiunazhit në Kosovë nga Prokuroria Speciale, AKI dhe IPK
Prokuroria para 3 dite
Komuna e Suharekës shpall tender për ndërtimin e rrugës Suharekë–Peqan–Peqan i Vogël, investim prej 940 mijë euro
Komuna para 4 dite
